Trukkmann brúkar tvírætt skraf

Svar við vísu Ármanns á Hálsi er hann orti um Aðalstein. En tilefnið var að Aðalsteinn flutti Sigríði á Æsustöðum milli bæja. Var hann lengi á leiðinni, því hann missti bílinn út af.

Aðalsteinn Ólafsson í Melgerði flutti Sigríði á Æsustöðum milli bæja. Þótti hann ótrúlega lengi á leiðinni, enda missti hann bílinn út af veginum og tafðist við það.

Þá orti Ármann þessa vísu:

Þó að Sigga sýnist stór,
sést það lítt með vinum.
Með Aðalsteini ögn hún fór,
út af þjóðveginum.

en Aðalsteinn svaraði:

Trukkmann brúkar tvírætt skraf.
Tárin húka á hvarmi.
Hver vill strjúka ólund af
öfundsjúkum garmi.

Ármann svaraði aftur.

Hugsun rangri heilinn grautar.
Horfin er þér fjallasýn.
Ertu kannske utanbrautar
að yrkja þetta ljóð til mín?

Heimild: Vísnasafn Sigurðar J. Gíslasonar í Héraðsskjalasafni Skagfirðinga.
Heimild: Þó að Sigga sýnist stór
Heimild: Trukkmann brúkar tvírætt skraf
Heimild: Hugsun rangri heilinn grautar